മ​ധ്യ​പ്ര​ദേ​ശ് കത്തുന്നു; മരണം അഞ്ച്; മുഖ്യമന്ത്രിഎത്താതെ മൃതദേഹങ്ങൾ സംസ്കരിക്കില്ലെന്ന് കർഷകർ

0
88

ഭോ​പാ​ൽ: മ​ധ്യ​പ്ര​ദേ​ശി​ൽ ക​ർ​ഷ​ക സ​മ​രത്തിനുേനരെയുണ്ടായ പൊ​ലീ​സ്​ വെ​ടി​വെപ്പിൽ മരണസംഖ്യ അഞ്ചായി. വെടിവെപ്പിനെ തുടർന്നുണ്ടായ സംഘർഷം മാ​ന്ത്​​​സൗ​റിൽ നിന്നും​ അയൽജില്ലകളിലേക്കും വ്യാപിക്കുകയാണെന്നാണ് റിപ്പോർട്ടുകൾ. വെടിവെപ്പിൽ പ്രതിഷേധിച്ച് ആഹ്വാനം ചെയ്ത ബന്ദ് അക്രമാസക്തമാകാതിരിക്കാൻ കൂടുതൽ സുരക്ഷാസേനയെ നിയോഗിച്ചിട്ടുണ്ട്. മിക്ക തെരുവുകളിലും പൊലീസ് പട്രോളിങ് നടത്തുന്നുണ്ട്. മാ​ന്ത്​​​സൗ​ർ ജി​ല്ല​യടക്കം 15 ജില്ലകൾ ഉൾപെടുന്ന മാൾവ- നിമാദ് മേഖലയിലെ സ്ഥിതി ഗുരുതരമാണ്. ജി​ല്ല ക​ല​ക്​​ട​ർ എ​സ്.​കെ. സി​ങ്ങി​​െൻറ നി​ർ​ദേ​ശ​പ്ര​കാ​രം ​ ഇ​ൻ​റ​ർ​നെ​റ്റ്​ ക​ണ​ക്​​ഷ​നു​ക​ൾ ഇന്നലെ വി​​ച്ഛേ​ദി​ച്ചിരുന്നു.അതേസമയം കോൺഗ്രസ് ഉപാധ്യക്ഷൻ രാഹുൽ ഗാന്ധി ഇന്ന് സംഭവസ്ഥലം സന്ദർശിക്കും.

മുഖ്യമന്ത്രി ശിവ് രാജ് സിങ് ചൗഹാൻ പ്രദേശം സന്ദർശിക്കാതെ മൃതദേഹങ്ങൾ സംസ്കരിക്കില്ലെന്ന നിലപാടിലാണ് കർഷകർ.