പനാമന്‍ കപ്പല്‍ കുതിച്ചുപാഞ്ഞത് കപ്പല്‍ ചാലും മറികടന്ന്, ലൈറ്റ് അണച്ച് രക്ഷപെടാനും ശ്രമിച്ചു

0
98

ദുരന്തങ്ങൾ തുടർക്കഥയാക്കി​ വിദേശ  കപ്പലുകളുടെ നിയമ ലംഘനം

കൊച്ചിയില്‍ രണ്ടു മത്സ്യ തൊഴിലാളികളുടെ കുടുംബത്തെ അനാഥമാക്കിയ പ​നാ​മന്‍ കപ്പല്‍ ആം​ബ​ർ എ​ല്ലാ നി​യ​മ​വും ലം​ഘി​ച്ചാ​ണ് എ​ത്തി​യ​തെന്ന് പ്രാഥമീക റിപ്പോര്‍ട്ട്. ഇ​ന്ത്യ​ൻ മാ​രി​ടൈം ഓ​ർ​ഗ​നൈ​സേ​ഷ​ൻ മാ​ന​ദ​ണ്ഡം അ​നു​സ​രി​ച്ച് ക​പ്പ​ലു​ക​ൾ ക​പ്പ​ൽ ചാ​ലു​ക​ളി​ലൂ​ടെ മാ​ത്ര​മെ സ​ഞ്ച​രി​ക്കാ​വു. തീ​ര​ത്തോ​ട് ചേ​ർ​ന്ന് വ​രാ​ൻ പാ​ടി​ല്ല. എ​ന്നാ​ൽ, 14 നോ​ട്ടി​ക്ക​ൽ മൈ​ൽ മാ​ത്രം ദൂ​ര​ത്താ​ണ് ഇൗ ​ക​പ്പ​ൽ സ​ഞ്ച​രി​ച്ച​ത്. കപ്പലിന്‍റെ സഞ്ചാര ദിശയില്‍ മാറ്റം വന്നതാണ് അപകട കാരണം എന്നാണു തീര സംരക്ഷണ സേനയുടെയും പോലീസിന്റെയും ആദ്യ നിഗമനം.

അ​ന്താ​രാ​ഷ്​​ട്ര നി​യ​മ​പ്ര​കാ​ര​വും ഐ.​എം.​ഒ മാ​ന​ദ​ണ്ഡം അ​നു​സ​രി​ച്ചും എ​ല്ലാ ക​പ്പ​ലു​ക​ളി​ലും ഓ​രോ നി​രീ​ക്ഷ​ക​രു​ണ്ടാ​കേ​ണ്ട​തു​ണ്ട്. കി​ലോ​മീ​റ്റ​റു​ക​ൾ ദൂ​രെ വ​രെ വ്യ​ക്ത​മാ​യി കാ​ണാ​ൻ ക​ഴി​യു​ന്ന നൈ​റ്റ് വി​ഷ​ൻ െട​ലി​സ്കോ​പ് ഉ​പ​യോ​ഗി​ച്ച് സ​ദാ നി​രീ​ക്ഷ​ണ​ത്തി​ലേ​ർ​പ്പെ​ടേ​ണ്ട​വ​രാ​ണി​വ​ർ. ദൂ​രെ ബോ​ട്ടു​ക​ളോ മ​റ്റു ത​ട​സ്സ​ങ്ങ​ളോ ക​ണ്ടാ​ൽ ഉ​ട​ൻ ക്യാ​പ്റ്റ​നെ അ​റി​യി​ക്ക​ണം.ക്യാ​പ്റ്റ​ൻ വ​ലി​യ ശ​ബ്​​ദ​ത്തി​ൽ ഹോ​ൺ മു​ഴ​ക്കി  ബോ​ട്ടു​ക​ൾ മാ​റ്റാ​നു​ള്ള സാ​ഹ​ച​ര്യ​മൊ​രു​ക്ക​ണം. ബോ​ട്ടി​ലു​ള്ള​വ​ർ​ക്ക് കാ​ര്യം വ്യ​ക്ത​മാ​യി​ട്ടി​ല്ലെ​ങ്കി​ൽ ആ​കാ​ശ​ത്തേ​ക്ക് വെ​ടി​വെ​ക്ക​ണം. അ​തും ഫ​ലി​ച്ചി​ല്ലെ​ങ്കി​ൽ വെ​ള്ളം ചീ​റ്റി​ച്ച് സൂ​ച​ന ന​ൽ​ക​ണം. എ​ന്നി​ട്ടും ഫ​ല​മി​ല്ലെ​ങ്കി​ൽ ക​പ്പ​ൽ നി​ർ​ത്ത​ണം. എ​ന്നാ​ൽ ഇ​വ​യൊ​ന്നും ഇ​വി​ടെ ഉ​ണ്ടാ​യി​ട്ടി​ല്ല. ക​പ്പ​ൽ പോ​ർ​ട്ട്​ ട്ര​സ്​​റ്റി​ൽ എ​ത്തി​ച്ച് തെ​ളി​വെ​ടു​പ്പ് ന​ട​ത്താ​ത്ത​തി​ലും പ്ര​തി​ഷേ​ധ​മു​ണ്ട്. ഇ​ത് ഇ​റ്റാ​ലി​യ​ൻ നാ​വി​ക​രു​ടേ​തി​ന് സ​മാ​ന രീ​തി​യി​ൽ കേ​സ്​ എ​ത്താ​ൻ ഇ​ട​യാ​ക്കും.  ക​പ്പ​ലു​ക​ളി​ൽ യാ​ത്ര വി​വ​ര​ങ്ങ​ൾ രേ​ഖ​പ്പെ​ടു​ത്തു​ന്ന ലോ​ഗ്ബു​ക്ക്, ഡേ​റ്റ റെ​ക്കോ​ർ​ഡ​ർ, എ.​ഐ.​എ​സ് സം​വി​ധാ​നം എ​ന്നി​വ​യു​ണ്ട്. ഇ​വ​യി​ലെ രേ​ഖ​ക​ൾ തെ​ളി​വെ​ടു​പ്പി​ന് മു​മ്പ് മാ​യി​ച്ചു ക​ള​യു​ന്ന സാ​ഹ​ച​ര്യ​മു​ണ്ടാ​യാ​ൽ തെ​ളി​വു​ക​ൾ ഇ​ല്ലാ​താ​വു​ക​യും ഉ​ത്ത​ര​വാ​ദി​ക​ൾ നി​യ​മ​ത്തി​ന് മു​ന്നി​ൽ ര​ക്ഷ​പ്പെ​ടു​ക​യും ചെ​യ്യും. ഇ​റ്റാ​ലി​യ​ൻ നാ​വി​കരുടെ കാ​ര്യ​ത്തി​ൽ ഇ​താ​ണ്​ സം​ഭ​വി​ച്ച​ത്.

ഇന്ത്യൻ സമുദ്രാതിർത്തിയിൽ മത്സ്യബന്ധന ബോട്ടിനെ ഇടിച്ചുതെറിപ്പിച്ച കപ്പലിനെ പിടികൂടിയത് ലൈറ്റണച്ച് രക്ഷപ്പെടാനുള്ള ശ്രമത്തിനിടെയാണ് . പനാമയിൽ രജിസ്റ്റർ ചെയ്ത ആംബർ എൽ എന്ന കപ്പലിനെയാണ് ഇന്ത്യൻ സമുദ്രാതിർത്തിയിൽ നിന്നും രക്ഷപ്പെടാനുള്ള നീക്കത്തിനിടെ തീരസംരക്ഷണ സേന നാവിക സേനയുടെ സഹായത്തോടെ കുടുക്കിയത്. കൊച്ചി തീരത്തെത്തിച്ച കപ്പലിനെതിരെ മാരിടൈം നിയമപ്രകാരം കേസെടുക്കുമെന്ന് കോസ്റ്റൽ പൊലീസ് വ്യക്തമാക്കിയിട്ടുണ്ട്.ഞായറാഴ്ച്ച പുലർച്ചെയാണ് ഇന്ത്യൻ സമുദ്രാതിർത്തിയിൽ ദുരന്തമുണ്ടായത്. തോപ്പുംപടി ഹാർബറിൽ നിന്നും മത്സ്യബന്ധനത്തിനുപോയ കാർമൽ മാത എന്ന ബോട്ടിനെ ആംബർ എൽ എന്ന കപ്പൽ ഇടിച്ചുതെറിപ്പിക്കുകയായിരുന്നു. കൊച്ചി തീരത്ത് നിന്നും 30 നോട്ടിക്കൽ മെയിൽ (25.9 കിലോമീറ്റർ) അകലെയായിരുന്നു അപകടം. ഈ സമയം 14 പേരാണ് ബോട്ടിലുണ്ടായിരുന്നത്. ഇതിൽ 11 പേർ രക്ഷപ്പെട്ടു. കപ്പലുകൾക്ക് സഞ്ചരിക്കാൻ അനുമതിയില്ലാത്ത മേഖലിയൂടെ കടന്നുപോകവെയായിരുന്നു അപകടമെന്നാണ് പ്രാഥമിക നിഗമനം. എന്നാൽ ഇതുസംബന്ധിച്ച് കൂടുതൽ വ്യക്തത വരുത്തേണ്ടതുണ്ടെന്ന് കോസ്റ്റ് ഗാർഡ് പൊലീസ് അറിയിച്ചു.
അപകടമുണ്ടാക്കിയ ശേഷം കടലിൽ വീണ തൊഴിലാളികളെ രക്ഷിക്കാൻപോലും കൂട്ടാക്കാതെ കപ്പൽ രക്ഷപ്പെടാൻ ശ്രമിക്കുകയായിരുന്നുവെന്നാണ് തീരസംരക്ഷണ സേന നൽകുന്ന സൂചന. അർധരാത്രിയിൽ രണ്ടുമണിയോടെയായിരുന്നു അപകടം. കാറ്റും കോളുമുണ്ടായിരുന്നതിനാൽ തന്നെ സമീപത്തെ ബോട്ടുകൾക്കോ കപ്പലുകൾക്കോ ശബ്ദം പോലും കേൾക്കാൻ കഴിയുമായിരുന്നില്ല. കപ്പലിന്റെ ഇടിയിൽ ബോട്ട് നിശേഷം തകർന്നിരുന്നു. ഒടിഞ്ഞുതൂങ്ങിയ ബോട്ടിൽ നിന്നും മത്സ്യതൊഴിലാളികൾ രക്ഷപ്പെടാനായി അലറി വിളിക്കുമ്പോഴും ഇതൊന്നും കേൾക്കാതെ ലൈറ്റണച്ച് രക്ഷപ്പെടാനായിരുന്നു കപ്പലിന്റെ നീക്കം. അപകടം നടക്കുമ്പോൾ സമീപത്ത് മത്സ്യബന്ധനം നടത്തിയിരുന്ന സെന്റ് ആന്റണീസ് എന്ന ബോട്ടാണ് ഒടുവിൽ രക്ഷക്കെത്തിയത്. അല്ലായിരുന്നുവെങ്കിൽ മരണസംഖ്യ ഇതിലും കൂടിയേനെ.
സംഭവത്തിന് പിന്നാലെ വിവരം അറിഞ്ഞ തീരസംരക്ഷണ സേന ഉണർന്നു പ്രവർത്തിച്ചു. നാവിക സേനയുടെ റഡാറിന്റെ സഹായത്തോടെ കപ്പലിന്റെ റൂട്ട് മനസിലാക്കിയ സേന ഇന്നലെ രാവിലെ എട്ടോടെ കപ്പൽ ആഴക്കടലിൽ നിന്നും കസ്റ്റഡിയിലെടുത്തു കൊച്ചിയിലെത്തിച്ചിട്ടുണ്ട്. സംഭവത്തിൽ കേന്ദ്ര ഷിപ്പിങ് മന്ത്രാലയവും ഇടപെട്ടിട്ടുണ്ട്.

നി​യ​മ​ലം​ഘ​നം ന​ട​ത്തു​ന്ന വി​ദേ​ശ ക​പ്പ​ലു​ക​ൾ​ക്ക്​ ​നേ​രെ അ​ധി​കൃ​ത​ർ ക​ണ്ണ​ട​ക്കു​ന്ന​താ​ണ്​ ക​ട​ലി​ൽ തു​ട​ർ​ക്ക​ഥ​യാ​വു​ന്ന അ​പ​ക​ട​ങ്ങ​ൾ​ക്ക്​ കാ​ര​ണം.  അ​നേ​കം മ​ത്സ്യ​ത്തൊ​ഴി​ലാ​ളി​ക​ളു​ടെ ജീ​വ​ൻ കു​രു​തി ക​ഴി​ക്ക​പ്പെ​ട്ടി​ട്ടും വി​ദേ​ശ ക​പ്പ​ലു​ക​ളെ നി​യ​ന്ത്രി​ക്കാ​ൻ അ​ധി​കൃ​ത​ർ ത​യാ​റാ​കു​ന്നി​ല്ല. ഇ​റ്റാ​ലി​യ​ൻ നാ​വി​ക​ർ 2012ൽ ​മ​ത്സ്യ​ത്തൊ​ഴി​ലാ​ളി​ക​ളെ വെ​ടി​െ​വ​ച്ച് കൊ​ന്ന സം​ഭ​വം ഏ​റെ കോ​ളി​ള​ക്കം സൃ​ഷ്​​ടി​ച്ചി​രു​ന്നു. എ​ൻ​റി​ക ലെ​ക്സി എ​ന്ന ഇൗ ​ക​പ്പ​ലി​ലെ നാ​വി​ക​ർ​ക്ക്​ ക​ടു​ത്ത ശി​ക്ഷ  ഉ​റ​പ്പാ​ക്കാ​ൻ പോ​ലും ക​ഴി​ഞ്ഞി​ല്ല.  അ​തേ​വ​ർ​ഷം കൊ​ല്ല​ത്ത് മ​ത്സ്യ​ത്തൊ​ഴി​ലാ​ളി​ക​ൾ സ​ഞ്ച​രി​ച്ച ബോ​ട്ടി​ൽ ക​പ്പ​ലി​ടി​ച്ച് ര​ണ്ടു പേ​ർ മ​രി​ച്ചി​രു​ന്നു. അ​തി​നു​ശേ​ഷം ചെ​റു​തും വ​ലു​തു​മാ​യ ആ​റ് അ​പ​ക​ട​ങ്ങ​ൾ കൊ​ച്ചി​യി​ൽ മാ​ത്രം ഉ​ണ്ടാ​യി​ട്ടു​ണ്ട്.

മത്സ്യബന്ധന ബോട്ടിലിടിച്ച് രണ്ടു പേരുടെ മരണത്തിന് ഇടയാക്കിയ ‘ആംബർ-എൽ’ എന്ന ചരക്കുകപ്പൽ ബൾക്കർ കാർഗോ ഷിപ്പ് ഗണത്തിൽപ്പെടുന്നതാണ്. പാനമയിൽ രജിസ്റ്റർ ചെയ്ത ഈ ചരക്കു കപ്പൽ 2000ലാണ് നിർമാണം പൂർത്തിയാക്കിയത്. 185 മീറ്റർ നീളവും 30 മീറ്റർ വീതിയുമുള്ള ഭീമാകാരനായ കപ്പലിന് 48,282 ടൺ ആണ് ആകെ ഭാരം. എന്നാൽ, കപ്പലിന്‍റെ കേവുഭാരം (ഗ്രോസ് ടെന്നേജ്) 25,955 ടൺ.വലിയ അളവിൽ ഭക്ഷ്യധാന്യങ്ങൾ, കൽക്കരി, സിമന്‍റ്, അസംസ്കൃത വസ്തുക്കൾ, എണ്ണ, പെട്രോൾ, മറ്റ് ദ്രാവക രൂപത്തിലുള്ള വസ്തുക്കൾ എന്നിവ വഹിക്കാൻ ശേഷിയുള്ള ചരക്കു കപ്പലിനെയാണ് ‘ബൾക്കർ കാർഗോ ഷിപ്പ്’ എന്ന പേരിൽ അറിയപ്പെടുന്നത്. 14.3 നോട്ടിക്കൽ മൈൽ പരമാവധി വേഗതയുള്ള ‘ആംബർ-എൽ’ ജൂൺ ഒന്നിന് ചെങ്കടലിൽ നിന്നാണ് കൊച്ചി ലക്ഷ്യമാക്കി യാത്ര പുറപ്പെട്ടത്. ജൂൺ 11ന് പുലർച്ചെ രണ്ട് മണിക്ക് മത്സ്യബന്ധന ബോട്ടിലിടിച്ച കപ്പൽ, ആ സമയം മുതൽ കൊച്ചി പുറംകടലിൽ ഉള്ളതായി ലോകത്തിലെ കപ്പലുകളുടെ വിവരങ്ങൾ ലഭ്യമാക്കുന്ന ഷിപ്പിങ് എക്സ്പ്ലോറർ എന്ന വെബ് സൈറ്റിൽ രേഖപ്പെടുത്തിയിട്ടുണ്ട്. ഇന്‍റർനാഷനൽ മാരിടൈം ഒാർഗനൈസേഷൻ (ഐ.എം.ഒ) നമ്പർ 9200354ൽ രജിസ്റ്റർ ചെയ്ത ‘ആംബർ-എൽ’ന്‍റെ മാരിടൈം മൊബൈൽ സർവീസ് ഐഡന്‍റിറ്റീസ് നമ്പർ (എം.എം.എസ്.ഐ) 357782000 ആണ്. ‘3FTE9’ എന്ന കോൾ സൈൻ നമ്പറിലാണ് ഈ കപ്പൽ അറിയപ്പെടുന്നത്. പാനമ കൊടിയാണ് കപ്പലിൽ ഉയർത്തുന്നത്.