ഓടിക്കൊണ്ടിരുന്ന കാറിൽ യുവതിയെ കുട്ടബലാത്സംഗം ചെയ്തു

0
60

ഓടിക്കൊണ്ടിരുന്ന കാറിൽ യുവതിയെ കുട്ട ബലാത്സംഗം ചെയ്തശേഷം റോഡിലുപേക്ഷിച്ചു. ഹരിയാനയിലെ ഗുരുഗ്രാമിൽ തിങ്കളാഴ്ച വൈകിട്ടാണ് സംഭവം. തുടർന്ന് ഗ്രേറ്റർ നോയിഡയിൽ നിന്ന് 70 കിലോമീറ്റർ അകലെ ഒരു ആശുപത്രിക്ക് സമീപം അവരെ ഉപേക്ഷിക്കുകയായിരുന്നു.

തിങ്കളാഴ്ച രാത്രി 8.30ന് അജ്ഞാതരായ ചിലർ ബലം പ്രയോഗിച്ച് കാറിൽ കയറ്റിക്കൊണ്ടു പോകുകയായിരുന്നുവെന്ന് ഗുരുഗ്രാം സ്വദേശിനിയായ സ്ത്രീ പോലീസിനോട് പറഞ്ഞു. ഓടിക്കൊണ്ടിരുന്ന കാറിൽ മണിക്കൂറുകളോളം തന്നെ പീഡനത്തിന് ഇരയാക്കിയതായും അവർ പോലീസിനോട് പറഞ്ഞു.

എന്നാൽ സംഭവത്തിൽ പോലീസ് ഇതുവരെ കേസ് രജിസ്റ്റർ ചെയ്തിട്ടില്ല. നോയിഡ പോലീസ് ഗുരുഗ്രാമിൽ അന്വേഷണം നടത്തിവരികയാണ്.

നേരത്തെ കഴിഞ്ഞ മാസം കുഞ്ഞിനെ വലിച്ചെറിഞ്ഞ ശേഷം മൂന്ന് പേർ ചേർന്ന് യുവതിയെ ഓട്ടോറിക്ഷയിൽ കൂട്ടബലാത്സംഗത്തിന് ഇരയാക്കിയിരുന്നു. മെയ് 29ന് ഭർത്താവിന്റെ വീട്ടിൽ നിന്ന് സ്വന്തം വീട്ടിലേക്ക് പോയ യുവതിയാണ് കൂട്ടബലാത്സംഗത്തിന് ഇരയായത്.