സഹപ്രവർത്തകനെ കൊന്ന പ്രതിക്ക് ഒമ്പത് കൊല്ലം കഠിനതടവും 30,000 രൂപ പിഴയും

0
123

കോഴിക്കോട്: ചായക്കടയിൽ തൊഴിലെടുക്കുന്ന സഹപ്രവർത്തകനെ ഗ്യാസ്​ സിലിണ്ടർ കൊണ്ട് തലക്കടിച്ച് കൊന്നുവെന്ന കേസിൽ പ്രതിക്ക് ഒമ്പത് കൊല്ലം കഠിനതടവും 30,000 രൂപ പിഴയും. കേളകം സ്വദേശി ജോസഫിനാണ്​ (53) രണ്ടാം അഡീഷനൽ സെഷൻസ്​ കോടതി ശിക്ഷിച്ചത്. 2015 സെപ്​റ്റംബറിൽ വെള്ളയിൽ മുഹമ്മദ് റാഫി റോഡിൽ ഹോട്ടലിൽ പത്തനംതിട്ട നീർവിളാകം വർഗീസി(53)നെ കൊലപ്പെടുത്തിയെന്നാണ്​ കേസ്​.

അർധരാത്രിയിലായിരുന്നു ആക്രമണം. ദൃക്സാക്ഷികൾ ഉണ്ടായിരുന്നില്ലെങ്കിലും കടയുടമയുടെയും സാക്ഷികളുടെയും  ശാസ്​ത്രീയ തെളിവുകളുടെയും അടിസ്​ഥാനത്തിലായിരുന്നു വിധി.   നടക്കാവ് സി.ഐ പ്രകാശൻ പടന്നയിലി​​െൻറ നേതൃത്വത്തിൽ നടക്കാവ് സി.ഐ ഓഫിസിലെ എ.എസ്​.ഐ പി.എം രാജീവ്,  സീനിയർ സി.പി.ഒ ബി. പ്രകാശ്  എന്നിവരടങ്ങിയ സംഘമാണ്​ കേസന്വേഷിച്ചത്​.