തിരുവനന്തപുരം: ട്രെയിനുകളെക്കാള്‍ വേഗത്തില്‍ ലക്ഷ്യസ്ഥാനത്തെത്തുമെന്ന് പ്രതീക്ഷിക്കുന്ന കെ.എസ്.ആര്‍.ടി.സിയുടെ മിന്നല്‍ എക്‌സ്പ്രസ് നിരത്തിലിറങ്ങി. ബുധനാഴ്ച നടന്ന ചടങ്ങില്‍ തമ്പാനൂര്‍ ബസ് ടെര്‍മിനലില്‍ ഗതാഗത മന്ത്രി തോമസ് ചാണ്ടി ഫ്‌ളാഗ് ഓഫ് ചെയ്തു.
തിരഞ്ഞെടുത്ത സ്റ്റോപ്പുകളില്‍ മാത്രം നിര്‍ത്തുന്ന സര്‍വീസാണിത്. ഗതാഗതക്കുരുക്കില്‍ പെടാതിരിക്കാന്‍ രാത്രിയായിരിക്കും സര്‍വീസ്. ഉദ്ഘാടനച്ചടങ്ങില്‍ വി.എസ് ശിവകുമാര്‍ എം.എല്‍.എ, കെ.എസ്.ആര്‍.ടി.സി എം.ഡി രാജമാണിക്യം തുടങ്ങിയവര്‍ പങ്കെടുത്തു.
തുടക്കത്തില്‍ നിശ്ചയിച്ചിരിക്കുന്ന സര്‍വീസുകളും സ്റ്റോപ്പുകളും
1. തിരുവനന്തപുരം- സുള്ള്യ (കര്‍ണാടക): കൊട്ടാരക്കര, കോട്ടയം, മൂവാറ്റുപുഴ, തൃശൂര്‍, കോഴിക്കോട്, കണ്ണൂര്‍, പയ്യന്നൂര്‍, കാസര്‍കോട്.
2. തിരുവനന്തപുരം- നിലമ്പൂര്‍: കൊട്ടാരക്കര, കോട്ടയം, മൂവാറ്റുപുഴ, തൃശൂര്‍, പെരിന്തല്‍മണ്ണ.
3. തിരുവനന്തപുരം- കോഴിക്കോട്: കൊട്ടാരക്കര, കോട്ടയം, മൂവാറ്റുപുഴ, തൃശൂര്‍.
4. തിരുവനന്തപുരം- പാലക്കാട്: കൊട്ടാരക്കര, കോട്ടയം, മൂവാറ്റുപുഴ, തൃശൂര്‍.
5. കട്ടപ്പന- തിരുവനന്തപുരം: മുണ്ടക്കയം, കോട്ടയം, കൊട്ടാരക്കര.
6. പുനലൂര്‍- പാലക്കാട്: പത്തനംതിട്ട, തൃശൂര്‍, മൂവാറ്റുപുഴ.
