ന്യൂഡൽഹി: സ്വഛ് ഭാരത് പദ്ധതിക്ക് നാണക്കേടുണ്ടാക്കി പൊതു സ്ഥലത്ത് കേന്ദ്രമന്ത്രി മൂത്രമൊഴിച്ചു. കേന്ദ്ര കൃഷിമന്ത്രി രാധാ മോഹൻ സിങ് ആണ് പൊതുസ്ഥലത്ത് മൂത്രം ഒഴിച്ചത്. ഇതിൻറെ ഫോട്ടോ സാമൂഹിക മാധ്യമങ്ങളിൽ വ്യാപകമായി പ്രചരിക്കപ്പെടുകയും ചെയ്തു.
ഫോട്ടോകളില്‍ സുരക്ഷ ഉദ്യോഗസ്ഥരുടെ അകമ്പടിയോടെ, മന്ത്രി രാധ മോഹന്‍ സിംഗ് ഭിത്തിയോട് ചേര്‍ന്ന് നിന്ന് മൂത്രമൊഴിക്കുന്നതായി കാണാം.ബീഹാറിലെ ചമ്പാരന്‍ നിയോജക മണ്ഡലത്തിലെ മോത്തിഹാരിയില്‍ കേന്ദ്രമന്ത്രി നടത്തിയ സന്ദര്‍ശനത്തിനിടെയാണ് ചിത്രങ്ങള്‍ എടുത്തത്.മോദി സര്‍ക്കാരിന്റെ സ്വപ്‌ന പദ്ധതിയായ സ്വച്ഛ് ഭാരത് മിഷന്‍ പ്രധാനമന്ത്രി ചൂലെടുത്താണ് ഉദ്ഘാടനം ചെയ്തിരുന്നത്. തലസ്ഥാന നഗരമായ ദില്ലിയിലെ വാത്മീകി ബസ്തിയില്‍ ക്ലീന്‍ ഇന്ത്യ ക്യാംപെയിനു വേണ്ടിയാണ് മോദി ചൂലെടുത്തത്.
സ്വച്ഛ് ഭാരത് മിഷന്റെ ഭാഗമായി കേന്ദ്രസര്‍ക്കാര്‍ മൂത്രശങ്ക പരിഹരിക്കാന്‍ സഹായിക്കുന്നതിനായി മൊബൈല്‍ ആപ്പും പുറത്തിറക്കിയിരുന്നു. ടോയ്‌ലറ്റ് ലൊക്കേറ്റര്‍ എന്ന ആപ്പ് ഗൂഗിളും കേന്ദ്ര നഗര വികസന മന്ത്രാലയവും സംയുക്തമായാണ് രംഗത്തിറക്കിയത്.
