മിന്നലാക്രമണത്തിന് പ്രേരണ മാധ്യമപ്രവര്‍ത്തകന്റെ പരിഹാസമെന്ന് പരീക്കര്‍

0
78

പനാജി: നിയന്ത്രണ രേഖ മറികടന്ന് ഇന്ത്യന്‍ സൈന്യം നടത്തിയ മിന്നലാക്രമണം 15 മാസം മുന്‍പ് ആസൂത്രണം ചെയ്തതാണെന്ന് മുന്‍ പ്രതിരോധമന്ത്രിയും ഗോവ മുഖ്യമന്ത്രിയുമായ മനോഹര്‍ പരീക്കര്‍.  15 മാസങ്ങൾക്ക്​ മുമ്പ്​ തന്നെ മിന്നാലാ​ക്രമണത്തിനായി മുന്നൊരുക്കം നടത്തിയിരുന്നതായും പരീക്കർ അറിയിച്ചു.

കേന്ദ്ര വാർത്താവിതരണ സഹമന്ത്രി രാജ്യവർധൻ സിങ് റാത്തോഡിനോടുള്ള ടെലിവിഷൻ അവതാരക​​​െൻറ ചോദ്യമാണ് മിന്നലാ​​ക്രമണത്തിന്​ പ്രേരിപ്പി​ച്ചതെന്ന്​ പരീക്കർ വ്യക്​തമാക്കി. 2015ൽ മണിപ്പൂരിൽ എൻ.എസ്‌.സി.എൻ–കെ നടത്തിയ ഒളിയാക്രമണത്തിനു മറുപടിയായി ഇന്ത്യ നൽകിയ തിരിച്ചടിയെക്കുറിച്ച്​ വിവരിക്കു​േമ്പാഴാണ്​ റാത്തോഡിനെ അവതാരകൻ പരിഹസിച്ചത്​.

2015 ജൂൺ നാലിനാണ് ഭീകരഗ്രൂപ്പായ എൻഎസ്‌സിഎൻ–കെ മണിപ്പൂരിലെ ചന്ദൽ ജില്ലയിൽവച്ച് ഇന്ത്യൻ സൈനിക വ്യൂഹത്തിന്​ നേരെ ആക്രമണം നടത്തിയത്. ഈ ആക്രമണത്തിൽ 18 സൈനികരാണ് കൊല്ലപ്പെട്ടത്. 200 പേരുമാത്രമുള്ള ചെറിയൊരു ഭീകരസംഘടനയാണ് 18 ദോഗ്ര സൈനികരെ കൊലപ്പെടുത്തിയത്. ഇതറിഞ്ഞപ്പോൾ അപമാനിതനായ പോലെ തോന്നി. തുടർന്നാണ് മ്യാൻമർ അതിർത്തിയിൽ നടത്തിയ ആദ്യ മിന്നലാക്രമണത്തിനുള്ള തയാറെടുപ്പുകൾ ആരംഭിച്ചത്​.

ജൂൺ എട്ടിന് ഇന്ത്യ–മ്യാൻമർ അതിർത്തിയിൽ മിന്നലാക്രമണം നടത്തി. 70 ,80 ഭീകരരാണ് ആക്രമണത്തിൽ കൊല്ലപ്പെട്ടത്. ഇതിനായി ഹെലികോപ്റ്ററുകൾ ഉപയോഗിച്ചിരുന്നുവെന്ന റിപ്പോർട്ടുകൾ പരീക്കർ തള്ളി. ഹെലികോപ്റ്ററുകൾ ഉപയോഗിച്ചില്ല. എന്നാൽ അടിയന്തര സാഹചര്യമുണ്ടായാൽ ഉപയോഗിക്കുന്നതിനായി കോപ്റ്ററുകൾ ഒരുക്കി നിർത്തിയെന്നും പരീക്കർ പറ‍ഞ്ഞു.