കേരളത്തില്‍ നിന്നുള്ള ആദ്യ ഹജ്ജ് സംഘം പുറപ്പെട്ടു. മന്ത്രി കെടി ജലീല്‍ വിമാനം ഫ്‌ലാഗ് ഓഫ് ചെയ്തു. 139 പുരുഷന്മാരും 161 സ്ത്രീകളുമാണ് ഉണ്ടായിരുന്നത്. അഞ്ചുമണിക്ക് റണ്‍വേയിലെത്തേണ്ട വിമാനം ആറുമണിക്കാണ് എത്തിയത്.
ആദ്യ ദിനം 900 ഹാജിമാര്‍ യാത്രയാകുന്നത്. ഞായറാഴ്ച രാവിലെ 6.45നും 11.30നും വൈകീട്ട് 5.45നുമാണ് തീര്‍ഥാകരെയും വഹിച്ചുള്ള സൗദി എയര്‍ ലൈന്‍സ് വിമാനങ്ങള്‍ യാത്രയാവുക.
300 തീര്‍ത്ഥാടകരാണ് ഓരോ വിമാനത്തിലുമുണ്ടാകുക. 11.30നുള്ള വിമാനത്തില്‍ 133 പുരുഷന്മാരും 167 സ്ത്രീകളും ഉണ്ടാകും. വൈകിട്ട് 5.45ന് പുറപ്പെടുന്ന വിമാനത്തില്‍ 132 പുരുഷന്മാരും 168 സ്ത്രീകളുമാണ് ഉണ്ടാകുക.
