ആലുവ ടൗണ്‍ഹാളിന് സമീപം ദുരൂഹസാഹചര്യത്തില്‍ മൃതദേഹം കണ്ടെത്തി. ട്രാന്‍സ്ജെന്‍ഡറായ ഗൗരിയുടെ മൃതദേഹമാണ് ആലുവ സെന്റ് സേവ്യേഴ്സ് കോളേജിനു സമീപം കാടുമൂടിയ സ്ഥലത്ത് കണ്ടെത്തിയത്.ആള്‍ സഞ്ചാരം കുറഞ്ഞ സ്ഥമാണ് ഇവിടം. സമീപവാസിയായ ഒരാളാണ് മൃതദേഹം ആദ്യം കണ്ടത്. കഴുത്തില്‍ കയര്‍ കുരുങ്ങിയ പാടുകളുണ്ടെന്ന് പോലീസ് പറഞ്ഞു. ശരീരത്തില്‍ ആസ്ബെറ്റോസ് വീണുകിടക്കുന്ന നിലയിലുമായിരുന്നു.നാളെ ഇന്‍ക്വസ്റ്റ് പൂര്‍ത്തിയതാക്കിയ ശേഷം പോസ്റ്റ് മോര്‍ട്ടത്തിനായി ആശുപത്രിയിലേക്കു മാറ്റും. ഇയാളെ പ്രദേശത്ത് സ്ഥിരമായി കാണാറുണ്ടായിരുന്നെന്ന് നാട്ടുകാര്‍ പറഞ്ഞു.
