എയര്‍ ഇന്ത്യ കഞ്ചാവു കടത്തല്‍ മലയാളി ഉദ്യോഗസ്ഥന്‍ അറസ്റ്റില്‍

0
64


എയര്‍ ഇന്ത്യ വിമാനത്തിലൂടെ കഞ്ചാവ് കയത്തിയ മലയാളി ഉദ്യോഗസ്ഥന്‍ പിടിയില്‍. എയര്‍ ഇന്ത്യയുടെ ദുബായ് ചെന്നൈ ഡല്‍ഹി വിമാനത്തില്‍നിന്നാണ് ഇയാളെ പിടികൂടിയത്. രണ്ടര കിലോ കഞ്ചാവാണ് പിടികൂടിയത്. ദുബായില്‍നിന്ന് ചെന്നൈ വഴി ജൂലൈ 19ന് ഡല്‍ഹിയില്‍ എത്തിയപ്പോഴാണ് വിമാനത്തില്‍നിന്നു കഞ്ചാവ് കണ്ടെടുത്തത്.

ഒരു മാസത്തിലധികമായി നടത്തിയ അന്വേഷണത്തിനൊടുവിലാണ് മലയാളി ക്യാബിന്‍ ക്രൂ ഉദ്യോഗസ്ഥന്‍ കുറ്റക്കാരനാണെന്ന് കണ്ടെത്തിയത്. വെള്ളിയാഴ്ച രാത്രിയാണ് അറസ്റ്റ് രേഖപ്പെടുത്തിയത്. വിമാനത്തിലൂടെ എത്രകാലമായി കഞ്ചാവു കടത്തുകയായിരുന്നുവെന്നും മറ്റാരെങ്കിലും ഉള്‍പ്പെട്ടിട്ടുണ്ടോയെന്ന് അറിയുന്നതിനും സംഭവത്തില്‍ വിശദമായ അന്വേഷണം പ്രഖ്യാപിച്ചിരിക്കുകയാണ്. സംഭവത്തിനു പിന്നില്‍ ഏതെങ്കിലും ഏജന്റുമാരുണ്ടോ, എവിടെ നിന്നാണ് കഞ്ചാവ് എത്തുന്നത് എന്നതും പരിശോധിക്കുന്നുണ്ട്.

LEAVE A REPLY

Please enter your comment!
Please enter your name here