ഇന്ത്യന്‍ സമ്പദ്​വ്യവസ്​ഥ ശക്തമെന്ന് ഐ എം എഫ്

0
46

വാഷിങ്​ടണ്‍:ഇന്ത്യയുടെ വളര്‍ച്ച നിരക്ക്​ കുറ​യുമെന്ന് ഐ എം എഫ് ​ നേരത്തെ പറഞ്ഞിരുന്നു എന്നാല്‍ ഇപ്പോള്‍ അതു തിരുത്തിയിരിക്കുകയാണ്.ഇന്ത്യന്‍ സമ്പദ്​വ്യവസ്​ഥ ശക്​തമാണെന്നാണ് ഇപ്പോള്‍ പറയുന്നത്.

ജി.എസ്​.ടിയും നോട്ടുനിരോധനവും മഹത്തായ ശ്രമങ്ങളായിരുന്നുവെന്നും ഇപ്പോള്‍ അനുഭവപ്പെടുന്ന താല്‍ക്കാലിക മാന്ദ്യം സ്വാഭാവികമാണെന്നും ​അന്താരാഷ്​ട്ര നാണയ നിധി മേധാവി ക്രിസ്​റ്റീന്‍ ലഗാര്‍ഡ്​ പറഞ്ഞു.

ഇന്ത്യയുടെ നടപ്പു സാമ്പത്തിക വര്‍ഷത്തെ വളര്‍ച്ച നിരക്ക്​ 6.7 ശതമാനമായും 2018ല്‍ 7.4 ആയും കുറയുമെന്ന്​ ​​കഴിഞ്ഞയാഴ്​ചയാണ് ഐ എം എഫ്​ ​ മുന്നറിയിപ്പ്​ നല്‍കിയത്​. ഏപ്രിലിലും ജൂലൈയിലും പുറത്തുവിട്ട റിപ്പോര്‍ട്ടില്‍ യഥാക്രമം 0.5ഉം 0.3ഉം ശതമാനം കുറയുമെന്നായിരുന്നു വ്യക്​തമാക്കിയത്​.

ഇന്ത്യയുടെ സമ്പദ് വ്യവസ്​ഥയെ നേരിയ തോതില്‍ തരംതാഴ്​ത്തിയിട്ടുണ്ടെങ്കിലും കഴിഞ്ഞ വര്‍ഷങ്ങളില്‍ കൊണ്ടുവന്ന അടിസ്​ഥാനപരമായ മാറ്റം കാരണം ശക്​തമായ പാതയിലായിട്ടുണ്ടെന്നും വലിയ കുതിപ്പ്​ നടത്തുമെന്നും ലഗാര്‍ഡ്​ പറഞ്ഞു.