ബഹ്​റൈനിലെ ഗോപിയോ ആഗോള കൺവെൻഷൻ രാഹുൽ ഗാന്ധി പങ്കെടുക്കും

0
34

മനാമ: വിദേശത്ത്​ താമസിക്കുന്ന ഇന്ത്യക്കാരുടെ ആഗോള സംഘടനയായ ‘ഗ്ലോബൽ ഒാർഗനൈസേഷൻ ഒാഫ്​ പീപ്പ്​ൾ ഒാഫ്​ ഇന്ത്യൻ ഒറിജിൻസ്​’ (ഗോപിയോ) അന്താരാഷ്​ട്ര കൺവെൻഷൻ ജനുവരി ആറ്​, ഏഴ്​, എട്ട്​ തിയതികളിൽ ബഹ്​റൈനിലെ ഗൾഫ്​ ഹോട്ടലിൽ’ നടക്കും. ഇതിൽ കോൺഗ്രസ്​ അധ്യക്ഷൻ രാഹുൽ ഗാന്ധി, സി.പി.എം ജനറൽ സെക്രട്ടറി സീതാറാം യെച്ചൂരി, ശശി തരൂർ എം.പി, ഡോ. സാം പിട്രോഡ, ബി.ജെ.പി നേതാവ്​ രാജ്​ പ​ുരോഹിത്​, പ്രമുഖ മാധ്യമ പ്രവർത്തകർ, വ്യവസായികൾ തുടങ്ങിയവർ സംബന്ധിക്കുമെന്ന്​ സംഘാടക സമിതി ഭാരവാഹികൾ വാർത്താസമ്മേളനത്തിൽ അറിയിച്ചു.

കോൺഗ്രസ്​ അധ്യക്ഷ സ്​ഥാനം ഏറ്റെടുത്ത ശേഷം രാഹുൽ പ​െങ്കടുക്കുന്ന ആദ്യ വിദേശ പരിപാടിയെന്ന പ്രത്യേകത ഇതിനുണ്ട് .ഇന്ത്യൻ പ്രവാസികളുടെ പുനരധിവാസം, ഇന്ത്യൻ പ്രവാസി സമൂഹം നേരിടുന്ന വെല്ലുവിളികൾ, ഇന്ത്യൻ ആരോഗ്യരംഗത്തി​​െൻറ സാധ്യതകൾ തുടങ്ങിയ വിവിധ വിഷയങ്ങളിലാണ്​ പ്രഭാഷണങ്ങളും ചർച്ചകളും നടക്കുന്നത് .കൺവെൻഷനിൽ വിവിധ രാജ്യങ്ങളിൽ നിന്നുള്ള 200ഒാളം പ്രതിനിധികൾ സംബന്ധിക്കും.