ഒമാനില്‍ നിന്നുള്ള വിദേശികളുടെ യു എ ഇ യാത്ര ഇനി ദുഷ്‌കരം

0
58

മസ്‌കത്ത്: ഒമാനില്‍ നിന്ന് യു എ ഇയിലേക്ക് വരുന്ന വിദേശികളുടെ യാത്ര കൂടുതല്‍ ദുഷ്‌കരമാകുമെന്ന് റിപ്പോര്‍ട്ട്. അടുത്ത മാസം ഒന്ന് മുതല്‍, ഒമാനില്‍ താമസിക്കുന്ന പ്രവാസികള്‍ക്ക് യു എ ഇയില്‍ എത്താന്‍ രണ്ട് അതിര്‍ത്തികളിലൂടെ മാത്രമെ സാധിക്കുകയുള്ളൂവെന്ന് യു എ ഇ അധികൃതരുടെ ഉത്തരവില്‍ വ്യക്തമാക്കി. പ്രവേശനം അനുവദിച്ച രണ്ട് അതിര്‍ത്തികളും തമ്മില്‍ 58 കിലോമീറ്ററിന്റെ വ്യത്യാസമുണ്ട്. അബുദാബിയിലേക്ക് പ്രവേശിക്കുന്ന ബോര്‍ഡറുകളാണ് ഖതം അല്‍ ശിഖ്‌ലയും മിസ്‌യദും.
എന്നാല്‍, ഒമാനില്‍ നിന്ന് യു എ ഇയിലേക്ക് റോഡ് മാര്‍ഗം സഞ്ചരിക്കുന്നവരില്‍ ഭൂരിഭാഗവും ഉപയോഗിക്കുന്ന ഹത്ത ബോര്‍ഡറിലൂടെ പ്രവേശനം ഉണ്ടാകില്ലെന്നാണ് റിപ്പോര്‍ട്ടുകള്‍. ഖതം അല്‍ ശിഖ്‌ല, മിസ്‌യദ് അതിര്‍ത്തികള്‍ വഴി മാത്രമാകും യു എ ഇയിലേക്കുള്ള പ്രവേശനം. സ്വദേശികള്‍ക്ക് നിലവിലുള്ള സ്ഥിതി തുടരുംഹത്തയിലൂടെ പ്രവേശിക്കുന്നതിന് ഇളവ് നല്‍കുമോ എന്നത് സംബന്ധിച്ച് വ്യക്തതയില്ല. അതേസമയം,  യു എ ഇയില്‍ താമസിക്കുന്ന വിദേശികള്‍ക്ക് പുതിയ നിയന്ത്രണം ബാധിക്കില്ല.