ഫെഡറല്‍ റോഡുകളില്‍ ഇനി മുതല്‍ എല്‍ ഇ ഡി വിളക്കുകള്‍

0
48

ദുബൈ: യു എ ഇയിലെ ഫെഡറല്‍ റോഡുകളില്‍ എല്‍ ഇ ഡി ബള്‍ബുകള്‍ സ്ഥാപിക്കാന്‍ അടിസ്ഥാന വികസന മന്ത്രാലയം ഒരുങ്ങുന്നു. വൈദ്യുതോര്‍ജ ഉപയോഗം കുറച്ച് കുറഞ്ഞ ചിലവില്‍ രാജ്യത്തെ പൊതു പാതകളില്‍ എല്‍ ഇ ഡി ബള്‍ബുകള്‍ ഉപയോഗിച്ച് കൂടുതല്‍ പ്രകാശം നല്‍കുന്നതിനാണ് പദ്ധതി. രാജ്യത്തെ 710 കിലോമീറ്റര്‍ വരുന്ന ഫെഡറല്‍ പാതകളിലാണ് എല്‍ ഇ ഡി ലാംപ് പദ്ധതി നടപ്പിലാക്കുന്നത്.

പദ്ധതി സാമ്പത്തികമായി ലാഭമുണ്ടാക്കുന്നതാണ്. കൂടുതല്‍ സുരക്ഷിതവും ശക്തവുമായ ലാംപുകളാണ് ഉപയോഗിക്കുന്നത്. പരമ്പരാഗത ലാംപുകളേക്കാള്‍ ആയുസ് കൂടുതലാണ്. പത്തു വര്‍ഷത്തോളം ഉപയോഗിക്കാന്‍ കഴിയുന്നതാണ് ഇത്തരം എല്‍ ഇ ഡി ലാംപുകളെന്ന് മന്ത്രാലയത്തിന് കീഴിലെ ടെന്‍ടെര്‍സ് ആന്‍ഡ് കോണ്‍ട്രാക്ട്‌സ് ഡിപാര്‍ട്‌മെന്റ് ഡയറക്ടര്‍ ഈമാന്‍ അല്‍ മന്‍സൂരി പറഞ്ഞു.