നാഗാലാന്‍ഡ് മുഖ്യമന്ത്രിയായി നെഫിയു റിയോ സത്യപ്രതിജ്ഞ ചെയ്തു

0
59

കൊഹിമ: നാഗാലാന്‍ഡ് മുഖ്യമന്ത്രിയായി നാഷണലിസ്റ്റ് ഡെമോക്രാറ്റിക് പീപ്പിള്‍സ് പാര്‍ട്ടി നേതാവ് നെഫിയു റിയോ സത്യപ്രതിജ്ഞ ചെയ്ത് അധികാരമേറ്റു. കൊഹിമയില്‍ പൊതുജനങ്ങളെ സാക്ഷിയാക്കി ഗവര്‍ണര്‍ പി.ബി ആചാര്യ സത്യവാചകം ചൊല്ലിക്കൊടുത്തു. പാര്‍ട്ടി ദേശീയ അധ്യക്ഷന്‍ അമിത് ഷാ, ആഭ്യന്തര സഹമന്ത്രി കിരണ്‍ റിജ്ജു, പ്രതിരോധ മന്ത്രി നിര്‍മ്മല സീതാരാമന്‍ എന്നിവര്‍ ചടങ്ങില്‍ സന്നിഹിതരായിരുന്നു.

ബിജെപി നേതാവ് വൈ പാറ്റണ്‍ ഉപമുഖ്യമന്ത്രിയായും സത്യപ്രതിജ്ഞ ചെയ്തു. നാലാം തവണയാണ് നെഫിയു റിയോ നാഗാലാന്‍ഡ് മുഖ്യമന്ത്രിയാകുന്നത്.