പൗരത്വ രജിസ്റ്റര്‍ വലിയ വിഷയമാക്കേണ്ട കാര്യമില്ലെന്ന് ബിപ്ലബ് ദേബ്; ത്രിപുരയില്‍ എന്‍ആര്‍സിയുടെ ആവശ്യമില്ല

0
31

ന്യൂഡല്‍ഹി: അസം ദേശീയ പൗരത്വ രജിസ്റ്റര്‍(എന്‍ആര്‍സി) വലിയ വിഷയമാക്കേണ്ട കാര്യമില്ലെന്ന് ത്രിപുര മുഖ്യമന്ത്രി ബിപ്ലബ് കുമാര്‍ ദേബ്. 40 ലക്ഷം പേര്‍ക്ക് പൗരത്വം നഷ്ടപ്പെട്ടത് അത്ര വലിയ വിഷയമൊന്നും അല്ലെന്ന് പറഞ്ഞ ബിപ്ലബ്, ത്രിപുരയില്‍ ദേശീയ പൗരത്വ പട്ടികയുടെ ആവശ്യമില്ലെന്നും കൂട്ടിച്ചേര്‍ത്തു.

ത്രിപുരയില്‍ പൗരത്വ രജിസ്റ്ററിന്റെ ആവശ്യമില്ല. അവിടെയെല്ലാം ക്രമപ്പടിയാണ് നടക്കുന്നത്. അസമിലും ഇത് വലിയ പ്രശ്‌നമല്ലെന്നാണ് എനിക്ക് തോന്നുന്നത്. അത് കൈകാര്യം ചെയ്യാന്‍ അസം മുഖ്യമന്ത്രി സര്‍ബാനന്ദ സൊനോവാള്‍ പ്രാപ്തനാണ്, ബിപ്ലബ് പറഞ്ഞു. പൗരത്വ രജിസ്റ്ററിന്റെ പേരില്‍ പ്രശ്‌നങ്ങള്‍ സൃഷ്ടിക്കാനാണ് ചിലരുടെ ശ്രമമെന്നും അദ്ദേഹം ആരോപിച്ചു.

അതിനിടെ പ​ട്ടി​ക​യു​ടെ അ​ടി​സ്ഥാ​ന​ത്തി​ല്‍ ആ​ര്‍​ക്കെ​തി​രെ​യും ന​ട​പ​ടിപാ​ടി​ല്ലെ​ന്ന് സു​പ്രീം​കോ​ട​തി അറിയിച്ചു. രേ​ഖ​ക​ള്‍ ഹാ​ജ​രാ​ക്കാ​ന്‍ എ​ല്ലാ​വ​ര്‍​ക്കും സ​മ​യം ന​ല്‍​ക​ണ​മെ​ന്ന് കോ​ട​തി ഉ​ത്ത​ര​വി​ട്ടു. പ​ട്ടി​ക​യി​ല്‍​നി​ന്ന് ഒ​ഴി​വാ​ക്ക​പ്പെ​ട്ട 40 ല​ക്ഷം പേ​രു​ടെ ഭാ​ഗം കേ​ള്‍​ക്കു​മെ​ന്നും കോ​ട​തി വ്യ​ക്ത​മാ​ക്കി.

എ​ന്‍​ആ​ര്‍​സി പ​ട്ടി​ക​യു​ടെ അ​ടി​സ്ഥാ​ന​ത്തി​ല്‍ ഇ​പ്പോ​ള്‍ ഒ​രു ന​ട​പ​ടി​യും ഉ​ണ്ടാ​കി​ല്ലെ​ന്ന് കേ​ന്ദ്ര​സ​ര്‍​ക്കാ​ര്‍ സു​പ്രീം​കോ​ട​തി​യി​ല്‍ ഉ​റ​പ്പ് ന​ല്‍​കിയിട്ടുണ്ട്. തി​ങ്ക​ളാ​ഴ്ച​യാ​ണ് എ​ന്‍​ആ​ര്‍​സി അ​ന്തി​മ ക​ര​ട് പ​ട്ടി​ക പു​റ​ത്തു​വി​ട്ട​ത്. എ​ന്‍​ആ​ര്‍​സി പ​ട്ടി​ക​യി​ല്‍​നി​ന്ന് ആ​സാ​മി​ലെ 40 ല​ക്ഷം പേ​രാ​ണ് പു​റ​ത്താ​യ​ത്. 2.89 കോ​ടി ആ​ളു​ക​ളാ​ണ് എ​ന്‍​ആ​ര്‍​സി​യു​ടെ പു​തി​യ പ​ട്ടി​ക​യി​ല്‍ ഇ​ടം​പി​ടി​ച്ച​ത്. മൊ​ത്തം 3.29 കോ​ടി അ​പേ​ക്ഷ​ക​രു​ണ്ടാ​യി​രു​ന്നു.