അതി പ്രഗത്ഭനായ പാര്‍ലമെന്റേറിയനായിരുന്നു സോമനാഥ് ചാറ്റര്‍ജി; അനുശോചിച്ച് മുഖ്യമന്ത്രി

0
37

തിരുവനന്തപുരം: അതി പ്രഗത്ഭനായ പാര്‍ലമെന്റേറിയനായിരുന്നു സോമനാഥ് ചാറ്റര്‍ജിയെന്ന്‌ മുഖ്യമന്ത്രി പിണറായി വിജയന്‍ അനുസ്‌മരിച്ചു. പാര്‍ലമെന്റില്‍ ദീര്‍ഘകാലം ഇടതുപക്ഷത്തിന്റെ ധീരമായ ശബ്ദമായിരുന്നു സോമനാഥ് ചാറ്റര്‍ജി.
ജനവിരുദ്ധമായ നിയമനിര്‍മ്മാണങ്ങള്‍ക്കെതിരെ സോമനാഥ് ചാറ്റര്‍ജി നടത്തിയ പോരാട്ടം എന്നും സ്മരിക്കപ്പെടുമെന്നും അനുശോചന സന്ദേശത്തില്‍ മുഖ്യമന്ത്രി പറഞ്ഞു.

ഹൃദയാഘാതമുണ്ടായതിനെ തുടർന്ന് കൊല്‍ക്കത്തയിലെ സ്വകാര്യ ആശുപത്രിയില്‍ ഇന്നായിരുന്നു സോമനാഥ് ചാറ്റര്‍ജിയുടെ അന്ത്യം. കഠിനമായ ശ്വാസതടസത്തെത്തുടര്‍ന്ന് വീട്ടില്‍നിന്ന് ആശുപത്രിയിലെത്തിച്ച അദ്ദേഹത്തിന്റെ ആരോഗ്യസ്ഥിതി പിന്നീട് കൂടുതല്‍ ഗുരുതരമാകുകയായിരുന്നു. വെന്റിലേറ്ററിലുള്ള അദ്ദേഹത്തിന് ഒരുവട്ടം ഡയാലിസിസ് നടത്തിക്കഴിഞ്ഞു.

ജൂ​ണ്‍ അ​വ​സാ​ന​വാ​രം മ​സ്തി​ഷ്കാ​ഘാ​ത​മു​ണ്ടാ​യി​തി​നെ തു​ട​ര്‍​ന്നു അ​ദ്ദേ​ഹം ആ​ശു​പ​ത്രി​യി​ല്‍ ചി​കി​ത്സ​യി​ലാ​യി​രു​ന്നു. ഏ​താ​നും ദി​വ​സ​ങ്ങ​ള്‍​ക്കു മു​ന്‍​പാ​ണ് സോ​മ​നാ​ഥ് ചാ​റ്റ​ര്‍​ജി​യെ ആ​ശു​പ​ത്രി​യി​ല്‍​നി​ന്നു വീ​ട്ടി​ലേ​ക്കു​മാ​റ്റി​യ​ത്. വീ​ട്ടി​ല്‍​വ​ച്ച്‌ വീ​ണ്ടും ശ്വാ​സ​ത​ട​സം നേ​രി​ട്ട​തോ​ടെ​യാ​ണ് വീ​ണ്ടും ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ച​ത്.

പത്തു തവണ ലോക്സഭയിലേക്കു തിരഞ്ഞെടുക്കപ്പെട്ട സോമനാഥ് സിപിഎം കേന്ദ്ര കമ്മിറ്റി അംഗമായിരുന്നു. 2004 മുതൽ 2009 വരെ സ്പീക്കറായി പ്രവർത്തിച്ചു. യുപിഎ സർക്കാരിനു സിപിഎം പിന്തുണ പിൻവലിച്ചതിനെ തുടർന്നു സ്പീക്കർ പദവിയിൽനിന്ന് രാജിവയ്ക്കാതിരുന്ന അദ്ദേഹത്തെ 2008ൽ പാർട്ടി പുറത്താക്കി.